EQUO Galicia se presenta a las elecciones gallegas del 12 de julio

Os novos Retos tras o Covid-19

Soubemos arrimar o ombreiro cando máis se necesitaba. Cumprindo o confinamento, coidando dos nosos familiares e apoiando e axudando ás nosas veciñas. Demostramos que como sociedade estivemos á altura. Nos hospitais, supermercados e fábricas, as traballadoras deixáronse a pel polos demais, incluso as tendas de barrio alimentáronnos adaptándose e innovando.

Agora tócanos decidir o futuro que queremos para Galicia nos próximos anos. Hai alternativa a seguir nunha liña de explotación irracional dos recursos. Debemos xestionalos de maneira sostible que ademais poña en práctica ideas innovadoras para acometer a reconstrución económica xusta e sostible no tempo.

Os bloques políticos de sempre

Non estiveron á altura. Incapaces de poñerse de acordo nos momentos máis difíciles, quedáronse na crispación e o reproche. Non permitamos que o seu conformismo e a súa falta de visión, nos condenen a saír desta crise máis desiguais, con máis división e menos oportunidades.

A nosa capacidade de chegar a acordos e coalicións que sempre nos caracterizou en Galicia, en proxectos como AGE e en Marea, é un garante da nosa disposición de traballar buscando consensos coas maiorías parlamentarias. Pero é o momento de presentar unha candidatura en solitario que poida representar ás persoas que buscan unha opción sostible, ecoloxista, decrecentista, feminista e da loita na defensa dos dereitos dos animais. Unha opción coa valentía de comprometernos firmemente en loitar contra a emerxencia climática que padecemos e que outros partidos soamente defenden en campaña electoral.

Agora traemos novas solucións para este novo tempo, inspiradas na visión de futuro dos partidos verdes que xa gobernan en moitos países de Europa. E coa vontade de dar voz ás iniciativas innovadoras que a cidadanía galega xa está demandando.

Alberto Prieto (A Coruña)

Nacín, medrei e vivo na Coruña. Son Enxeñeiro de Camiños, Canais e Portos pola Universidade da Coruña. Entusiasta seguidor das causas medioambientais e comprometido cos ideais da democracia directa e as prácticas éticas dende as administracións e gobernos. Participo do activismo en distintos movementos e iniciativas ecoloxistas da Coruña. Apoio tamén a movementos por unha mobilidade sostible nas cidades, en prol do tren convencional, público e social, e o uso da bicicleta.

Susana Mariz (Lugo)

Son educadora, nai, ecoloxista e loitadora feminista.

Durante moitos anos dediqueime á miña familia como moitas mulleres.

Considérome unha persoa ca cabeza no ceo pero os pés na terra. 

Creo que se queremos un futuro, o presente ten que ser verde e cooperativo. Esforzareime para crear unha sociedade máis xusta e sostible.

Nestor Vázquez (Pontevedra)

Son Profesor de Formación profesional, rematando estudos de Educación ambiental. Activista medioambiental e membro de diversas cooperativas e de asociacións de custodia do territorio.

O respecto ao noso medio ambiente debe ser o eixo central que deseñe as nosas políticas económicas, urbanísticas, industriais e educativas. A sociedade civil está a liderar e reclamar un cambio hacia unha sociedade máis colaborativa, máis xusta, máis sostible e máis feminista. E sobre todo, a loita contra o cambio climático é inaprazable.

En EQUO Galicia, cremos que aproveitando todo o aprendido durante esta crise podemos saír mellores. ¡Fagamos realidade a reconstrucción verde e xusta da que somos capaces como sociedade!

Por unha economía máis sostible e saudable, que cree empregos de calidade en Galicia investindo nos sectores de futuro.

Por un novo modelo de benestar social, que garante os servizos públicos de saude, coidados, vivenda e educación que merecemos.

Por unha democracia plena e sen clientelismo, que consolide a convivencia ampliando os nosos dereitos.

A EQUO Galicia non nos financian os bancos, contamos exclusivamente co apoio da cidadanía para levar a cabo a nosa campaña electoral. A cidadanía Galega xa demostrou estar á altura das circunstancias, pero cun empurrón máis podemos lograr que a política Galega tamén o estea.

Contamos contigo para Reverdecer o Parlamento Galego nestas eleccións. Unha opción con novas solucións e unha nova forma cooperativa e participativa de facer política.